Ekki missa af úrslitakeppninni í Skólahreysti

Æsispennandi keppni í Skólahreysti lýkur næstkomandi fimmtudag með úrslitakeppni í Laugardalshöllinni.

Meiri þátttaka var í keppninni en nokkru sinni fyrr og alls tóku 106 skólar þátt. Algengt var að þátttakendur bættu sig mikið á milli ára og verður spennandi að sjá hvernig frammistaðan verður á úrslitakvöldinu.


Skólarnir tíu sem komnir eru í úrslit eru eftirtaldir: 

Foldaskóli, Hagaskóli, Lindaskóli, Heiðarskóli, Hvolsskóli, Grunnskóli Fáskrúðsfjarðar, Grunnskóli Siglufjarðar, Giljaskóli, Grundaskóli og  Grunnskóli Ísafjarðar.

Útsendingin byrjar kl. 20:00 og er til 22:00. Þeir sem tök hafa á eru auðvitað velkomnir í Höllina að upplifa mótið og stemninguna. Þátturinn verður sýndur í beinni útsendingu á Skjá einum.  

Jónsi og Ívar Guðmunds verða á sínum stöðum. Sigurvegari Samfés kemur og syngur sigurlagið.