Næring

Til að stuðla að heilbrigði þarf bæði hollt og gott mataræði og næga hreyfingu.

Það er mikilvægt að borða fjölbreytta fæðu í hæfilegu magni. Mikilvægt er að velja fyrst og fremst matvæli sem eru rík af næringarefnum, svo sem grænmeti, ávexti, gróft kornmeti, belgjurtir, mjólkurvörur, sjávarfang og kjöt.

Hreyfing og næring hafa samverkandi áhrif á marga lífsstílstengda kvilla. Með því að neyta fjölbreytilegrar fæðu, stunda reglulega líkamsrækt og iðka heilsusamlegt líferni má draga úr líkunum á ýmsum sjúkdómum.

Æskileg samsetning fæðunnar
Hæfilegt er að prótein veiti 10-20% heildarorku. Ráðleggingar fyrir hópa fólks miðast við 15% orkunnar úr próteinum.

Hæfilegt er að fá 25-35% orkunnar úr fitu, þar af komi ekki meira en 10% orkunnar úr harðri fitu. Ráðleggingar fyrir hópa fólks miðast við 30% orkunnar úr fitu.

Hæfilegt er að úr kolvetnum fáist 50-60% af orkunni, þar af ekki meira en 10% úr viðbættum sykri. Ráðleggingar fyrir hópa fólks miðast við 55% orkunnar úr kolvetnum.

Æskilegt er að fæðutrefjar séu að minnsta kosti 25 grömm á dag miðað við 2400 kílókaloría fæði.

Offita og heyfingarleysi

Í okkar daglega umhverfi er töluverð hætta á því að við hreyfum okkur of lítið nema við gerum eitthvað í því. Offita er að verða eitt helsta heilbrigðisvandamál sem Evrópubúar standa frammi fyrir og eru Íslendingar þar engin undantekning.
Þær breytingar sem hafa orðið á mataræði, hreyfingu og holdafari Íslendinga undanfarna áratugi eru fyrst og fremst afleiðing breyttra þjóðfélagshátta. Fjölmargar hérlendar rannsóknir hafa sýnt fram á fjölgun barna og fullorðinna sem eiga við offitu eða ofþyngd að stríða.
Fólk sem er talsvert yfir sinni kjörþyngd er líklegra til að þjást af sjúkdómum, svo sem sykursýki (tegund II), hjarta- og æðasjúkdómum, sumum tegundum krabbameina, gallsteinasjúkdómum, veikleikum í stoðkerfi, þunglyndi og fleiri kvillum, heldur en hinir sem eru í kjörþyngd.

Borðum fjölbreytilega fæðu
Grænmeti og ávextir daglega. Ráðlagt er að borða 5 skammta eða minnst 500 grömm af grænmeti, ávöxtum og safa á dag, þar af a.m.k. 200 grömm af grænmeti og 200 grömm af ávöxtum.

Fiskur að minnsta kosti tvisvar í viku eða oftar. Fiskurinn er góður próteingjafi og í honum eru ýmis önnur næringarefni, svo sem selen og joð. Feitur fiskur er einnig auðugur af D-vítamíni og löngum ómega-3 fitusýrum en þessi næringarefni eru í fáum öðrum matvælum en sjávarfangi.

Gróf brauð og annar trefjaríkur kornmatur. Aukin neysla grófra brauða og annars tefjaríks kornmatar er talin æskileg með hollustuna í huga.

Mjólkurvörur. Hæfilegt er að fá sér tvö glös, diska eða dósir af mjólk eða mjólkurmat á dag.

Olía eða mjúk fita í stað harðrar fitu, Mjúk fita hækkar ekki kólesteról í blóði.

Salt í hófi. Með því að minnka saltneyslu má draga úr hækkun blóðþrýstings en háþrýstingur er einn af áhættuþáttum hjarta- og æðasjúkdóma.

Þorskalýsi eða annar D-vítamíngjafi. D-vítamín gegnir meðal annars mikilvægu hlutverki í kalkbúskap líkamans og er nauðsynlegt fyrir uppbyggingu beina.

(Fengið með leyfi frá Lýðheilsustofnun)

Heilsugreinar

Hið rétta um transfitusýr...
Í ljósi umræðu undanfarið er sjálfsagt að taka fram að engar vörur Mjólkursamsölunnar innihalda hertar jurtaolíur og transfitusýrur sem hafa...

Meira
Fleiri greinar

Skólahreysti

Mjólkursamsalan áfram aða...

Magnús Ólafsson forstjóri Mjólkursamsölunnar og Andrés Guðmundsson stofnandi Icefitness undirrituðu nýlega styrktarsamning vegna Skólahreysti 2009...

Meira
Fleiri greinar

Vörunýjungar

Nýjung - Heimilisostur ri...

Sala er hafin á Heimilis rifnum osti, 100% íslenskur ostur í stærri pokum en fáanlegir hafa verið hingað til. Í pokanum eru 370 gr af...

Meira
Fleiri nýjungar