Mjólkursamsalan er rekstrarfélag mjólkuriðnaðarins á Íslandi og er í eigu rúmlega 700 kúabænda um land allt.

Hlutverk félagsins er að taka við mjólk frá eigendum sínum og umbreyta í hollar og góðar mjólkurafurðir í takt við þarfir íslenskra neytenda. Félagið heldur úti öflugu dreifingarkerfi sem tryggir nánast öllum landsmönnum reglulegan aðgang að ferskum mjólkurvörum.

Mjólkursamsalan tók til starfa þann 1. janúar 2007 og eru aðalskrifstofur félagsins að Bitruhálsi 1 í Reykjavík en alls rekur félagið sjö starfsstöðvar í Reykjavík, Búðardal, Ísafirði, Akureyri, Egilsstöðum og Selfossi. Heildarfjöldi starfsmanna er um 450.