MS misnotaði ekki markaðsráðandi stöðu sína

Eftir ítarlega rannsóknarvinnu komst Samkeppniseftirlitið að þeirri niðurstöðu að Mjólkursamsalan hefði á engan hátt misnotað markaðsráðandi stöðu sína á markaði.

Í júní 2007 ákvað Samkeppniseftirlitið í kjölfar upplýsinga og ábendinga frá Mjólku ehf. að hefja formlega rannsókn á meintri misnotkun Mjólkursamsölunnar ehf., Osta-og smjörsölunnar sf. og Auðhumlu svf. (MS) á markaðnum fyrir framleiðslu dreifingu og sölu á mjólkurafurðum.

Með úrskurði Héraðsdóms Reykjavíkur þann 4. júní 2007 var Samkeppniseftirlitinu veitt heimild til húsleitar í húsakynnum MS og leggja þar hald á muni.
Samkeppniseftirlitið framkvæmdi húsleit í kjölfarið, eða þann 5. júní sama ár, þar sem hald var lagt á fjölda skjala og afrit tekin af tölvutækum gögnum nokkurra strfmanna.

Málinu er nú lokið að hálfu Samkeppniseftirlitsins og ákvörðunarorð eru eftirfarandi:

„Ekki er ástæða til aðgerða af hálfu Samkeppniseftirlitsins í máli þessu".

Nánar má lesa um úrskurðinn á vef Samkeppisstofunar